楊秀惠通街畀人叫蜘蛛精

無綫劇集《鬼同你OT》演員陳豪、田蕊妮、楊秀惠及胡定欣昨日在寶林宣傳，靠姣扮性感「蜘蛛精」勾引陳豪出位的楊秀惠，姣得來又搞笑，甚受觀眾歡迎，問到外出時可有被觀眾鬧，她說：「冇畀人鬧，出街啲觀眾見到我都好Nice，好開心咁叫我蜘蛛精，我唔介意，好似多咗好多朋友咁，其實當初接到角色有啲擔心，但依家啲觀眾好聰明，知道只係角色，唔擔心會被定型。」陳豪提到投資的咖啡品牌時大賣關子，指因商業關係要年底才能公布，他表示今次夢想成真，覺得上天給了他很好的人生，有好老婆，還有兩個可愛寶貝。