鄧麗欣自組排球隊Loey,其中一名球花早前離隊,轉投連詩雅(Shiga)的夜跑隊My Girls,已停跑一個月的Shiga透露已密密操練:「逢星期二晚跟教練操,我平均一星期跑4晚。我以前從來冇做運動,跑步係為咗唱歌練氣,但跑上癮,唔單只開心,連肺功能都好咗!」問到可有計劃報名參加馬拉松?她說:「最初只係諗跑10K,冇諗過跑馬拉松,志在成班女仔一齊做運動。」提到最近亦有招募新會員,當中包括OL及兩位模特兒,她說:「佢哋透過網上報名參加。」

Shiga愛上夜跑,藉此減壓及練氣。