前港姐陳偉琪入行後公事頻繁，日前終能把握機會忙裏偷閒，到大浪灣換上比堅尼玩水兼曬太陽Relax一番！擁有驕人身材的她更直呼寧願平胸，亦不要玲瓏浮凸！文：影視組　攝：劉智源

Vicky雖曾與運動型男譜出戀情，但她卻最愛具才華的熟男。

熱愛陽光與海灘的Vicky即刻跳落水消暑。

前港姐陳偉琪（Vicky）百忙中終於有機會解開束縛，到大浪灣與陽光玩遊戲，換上比堅尼的她乘着涼風玩沙戲水，除了在岩洞中大玩「高溫」瑜伽外，更抱起滑浪板衝向海浪，活力十足！

傾慕古明華

Vicky參選時已掩不住驕人身段，兩年後的今天依然保養得宜，再配合迷人酒窩，甜度簡直可直逼「蒼井空」！以運動型美人見稱的她，常獨自到球場打籃球，更自爆曾在球場上被「捕」，萌生戀情！惟她獨愛熟男，自爆傾慕古明華：「佢嗰場喊戲完全感動到其他人，我喺現場都喊緊，佢啲演技真係令我好佩服！我唔知咩為之啱嘅年齡，性格唔啱都會好快完，我鍾意啲思想成熟嘅男仔，對工作有執着同要求，仲一定要有上進心，揀男朋友都係會揀有才華，唔係睇佢有型同有錢。」

平胸着衫靚

但Vicky並沒因身材驕人而自傲，她說：「身材係一樣好麻煩嘅嘢，我知道好多人會覺得身材係女性好吸引嘅嘢，但係我覺得着衫好麻煩，因為着衫嗰陣上面成日凸咗出嚟，所以我反而覺得平胸着衫靚啲！」

Profile

姓名：陳偉琪（Vicky）

生日：1991年5月21日

三圍：34E、26.5、35

履歷：《2011年溫哥華華裔小姐競選》亞軍、最上鏡小姐、最優雅模特兒獎

《2013年香港小姐競選》第五名、現場最受歡迎佳麗獎