黃心穎昨日在上環出席活動，玩估食物遊戲時被女司儀餵食，她笑說：「我第一次畀女仔餵嘢食！」後來為免誤會再補一句：「Actually男仔都冇乜！」場面搞笑！她又透露剛從溫哥華回港，已四年沒有返加拿大的她，逗留五日期間忙着見親友，問到有否被家人催帶男友回來？她說：「乜都有傾啦！放假幾日仲攰過返工，都有食肥到！」又表示與小學同學潛入昔日就讀的小學緬懷一番，不過最終被發現而被趕走。

心穎BB被女司儀餵食，點知口快快自爆試過畀男仔餵。

將參與節目《超強選擇1分鐘》的她有留意近日張秀文在節目中性感示人，問到她會否同樣性感？心穎說：「我就難啲，睇吓過唔過到經理人嗰關，健康舒服都OK！」