苟芸慧上周在珠海練車時發生意外，昨日有短片流出，當中見她的跑車凌空打觔斗數圈落地，情況驚險，多得戰車保護設備完善，送院檢查並無大礙。苟芸慧說：「每架車都有部攝錄機，相信段片應該係後面嘅車拍低，但唔知點解會流出。」她表示今次是去學車和練車，而非賽車：「本身已經同公司請咗假，想趁放假期間Upgrade自己，之後都有同經理人同公司講發生咗意外。」又表示已買保險。蓮花盃主辦單位負責人黃毅力昨日受訪時表示，該車與一級方程式賽車設計一樣，車架可保護整個人的身軀，加上發生意外時，苟芸慧做出恰當的保護動作，因此好彩地能夠走出車廂。

意外發生後，苟芸慧的戰車翻轉停在路旁。

無綫製作資源部總監樂易玲表示苟芸慧早向無綫請假到十月底，知她想考國際牌，今次則去學車：「佢有打畀我報平安，我仲笑佢駕車技術『咁屎』。」樂小姐又指知道苟芸慧本身有買保險，今次是在休息期間學車，故毋須報備。而玩開賽車活動的莊思敏表示意外間中都發生，她一向知道要小心，本身有危機意識，認為苟芸慧是新手就更加要小心。