行為一向出位的林芊妤（Coffee）昨日以女版悟空造型現身動漫節活動，期間不時俯身玩遊戲，露出強勁的三吋事業線，其後更被要求做一字馬，但隨即爆呔露出紅底，但她一於少理，繼續擺出踢腿等動作，成功搶鏡！

Coffee玩遊戲時烏低身露事業線，贏晒啦！

Coffee做一字馬時爆呔，但仍專業地完成動作。

Coffee出腳踢爆喬寶寶屁股上的氣球，魯芬在後方看得入神。

喬寶寶（右起）、Coffee和魯芬擺瑜伽甫士。

Coffee口咬湯匙餵喬寶寶食嘢，好重口味噃！

文：名人組

林芊妤、魯芬和喬寶寶昨午以不同的Cosplay造型現身動漫節活動，扮演性感女版悟空的Coffee在裝扮上花的時間雖很少，但當俯身露事業線即成為全場焦點，加上一字馬爆呔露紅底，成功撼贏化身「魔人布歐」的魯芬和塗黑面部及上半身變「波波先生」的喬寶寶。

增肥學魯芬

Coffee在台上被要求做一字馬時不慎爆呔，露出紅色底褲，但以行為出位見稱的她毫不計較，繼續表演踢腳及高難度一字馬。事後問到爆呔一事，她大驚反問：「你哋又知？」更不停叫記者不要拍她，但又笑說：「好彩我有着打底褲，其實頭先做一字馬都Feel到，做嘅時候唔記得拉高番條褲，因為我臨時先知有呢個動作。」對於魯芬所扮的「魔人布歐」，Coffee直言想扮：「不過首先要增肥。」

喬寶寶嚇親阿媽

而每年動漫節都會以不同形象示人的魯芬，今年已是第五年參加，她說：「我想做嘅角色好多，好似猩猩、大象，肥恐龍都想做，同埋花木蘭入面個肥婆，之前都係我配音！」至於花了3小時50分鐘化身「波波先生」的寶寶笑言連阿媽都唔認得，問到下次想扮甚麼，他笑說：「冇所謂，上年我試過做阿凡達。（同囝囝一齊Cosplay？）都有呀！我細仔好鍾意扮唔同卡通，外國好興，好似Halloween咁！」