藝人鍾麗緹與男友張倫碩、關心妍及蘇志威前晚為節目《今晚睇李》錄影,鍾麗緹以低V性感打扮拍拖亮相,訪問期間大晒恩愛,並要求男友唱《月亮代表我的心》給她聽,張倫碩隨即清唱,冧爆的鍾麗緹說:「好冧,好感動,等我冧吓先,好舒服、好有安全感。」張倫碩則指看見鍾麗緹便會心情緊張,只有唱歌才能回復正常。

鍾麗緹即場點唱,張倫碩隨即高唱《月亮代表我的心》冧女友。

問鍾麗緹她的三個小朋友可接受她拍拖?她說:「佢哋細個唔識,只係見媽咪好開心,佢都好叻氹小朋友,同佢一齊好有Family嘅畫面、好甜蜜、好感動,見到佢就好有家庭感覺。」她表示當年選華姐後未試過拍電視劇,有興趣一試。同場的關心妍在節目中獻唱新歌及與李思捷對飲,她自言酒量好,平時亦會與老公飲兩杯。