無綫藝人苟芸慧（苟姑娘）上星期到珠海賽車，同場還有方力申、劉浩龍、吳尊及方中信等。苟姑娘於練車期間發生意外，據現場人士指，駕着99號紅色辣跑的她，因轉急彎時太心急，以致跑車即時360度翻車，連人帶車翻轉當然嚇餐死，但幸好身體沒有大礙，而跑車則完全報銷。記者昨日聯絡苟姑娘，她以短訊回覆：「I'm fine. No worries！」其後接受電話訪問時表示已沒大礙，着大家不用擔心：「架車各樣設備都好好，保護性好強，其實我當賽車一種運動咁，練到協調同專注力。」問到經過此事後會否害怕賽車？她說：「都唔會，我依家都冇嘢！」她更希望可以考到一個國際賽車牌！

而方力申昨日被問及此意外時說：「我睇唔到，因為我哋喺同一賽道中，不過佢個人冇事，當晚仲有同我哋一齊食飯。」他又表示出席是次賽車活動，是為了11月澳門格蘭披治賽車其中一個環節作賽，而今次出賽的藝人全部都有認可的賽車牌。