有「翻版陳敏之」之稱的新進模特兒陳翊之，擁有34C上圍和一雙電眼，坦言願為藝術犧牲大膽全裸！她視同樣擁有迷人電眼的梁朝偉為偶像，更希望有機會與偉仔演對手戲。文：名人組　攝：劉斌

陳翊之希望有機會與偶像偉仔演對手戲。

陳翊之坦言想整容，認真貪靚！

模特兒陳翊之（Hannah）堪稱新一代電眼女神，既有身高又有身材的她，自嘲骨架太大：「如果講索、好骨感嘅女仔，我就唔夠其他香港女仔，但我最自信係對眼，我自己係純天然，之前拍攝嘅時候，啲攝影師話我對眼好似識講古仔咁。（討厭整容？）其實整得靚，我都會想整容。」

現年25歲的Hannah除擔任模特兒外，更有意向主持和演藝方面發展：「我希望可以好似電眼梁朝偉演技咁好，可以電暈晒香港所有觀眾，得到觀眾認同。（偉仔係你偶像？）係呀！佢拍戲好投入，我每次睇佢嘅戲，都好容易代入佢嘅角色。如果我將來嘅演戲對手係梁朝偉就最好不過。」

擁有34C上圍的她被問到會否介意全裸演出？Hannah坦言絕不介意：「睇邊方面全裸，好藝術性質、優雅的都OK。如果係好嘅發展，可以表現到自己都會去試。」有深長「事業線」的她事業心重，揚言無論做任何事都不怕辛苦：「我好捱得，唔怕辛苦，就算之前要瞓海濕身、好污糟，黃昏時勁凍都絕不介意，只要出來嘅作品效果OK就得。」

初戀Hurt得最深

單身的Hannah，談到被傷得深的初戀時有點語塞：「初戀嗰陣咩都唔識，大家價值觀唔同，平時我都唔鍾意喊，但因為男朋友一句說話會喊到死去活來。當時連交代都冇……就散咗……當時都冇即刻喊，半年之後先喊，一直都逃避扮冇嘢。（以後拍拖有陰影？）會冇之前咁投入，提醒自己小心男人。」經歷過傷痛，Hannah現在尋找另一半時不會以結婚為大前提：「最好係成熟、低調、有共同價值觀。唔會話希望有轟轟烈烈嘅愛情，只想有一段認真、細水長流嘅愛情。」