「寸嘴Barbie」夏尉喻被爆「撈唔掂」而投身小型公司做打工仔，身材豐滿的她更被指以性感造型返工！Barbie坦承另有工作，揚言會幕前與打工兩邊兼顧！文：影視組

Barbie在IT公司上班，被爆穿着依然性感。

近月甚少露面的「寸嘴Barbie」夏尉喻，昨日有讀者爆料指她「撈唔掂」而兼職做OL，更提供Barbie現職市場助理的名片，指她於科學園一間小型公司做OL，更以性感Deep V造型返工。

記者致電Barbie了解詳情，她承認正於一間IT公司工作，她說：「份工做咗幾個月，都幾習慣。間公司係朋友嘅，叫做幫吓手。（負責咩工作？）工作好彈性，咩都做，最主要係搞Event，研究吓Apps。（做埋代言人？）唔會，我做幕後，公司都已經有代言人啦！幕前同呢份工都有興趣，依家兩邊一齊做，當休息吓。（返Office仲花精神？）唔係囉！幕前精神上同體力上都會透支，壓力唔同。自己都有接出面工作，前日先去咗動漫節，都會做內地商演，有適合嘅工作都會繼續。

對於被指以性感衣着返工，Barbie說：「真係冇刻意Deep V返工，都係普通T恤。」擁有35G逼爆上圍的她更笑說：「可能啲衫喺我身上特別有效果啦！平時着衫風格都唔會超越到我拍戲嗰陣啦！」

否認撈唔掂

問到是否因大量嫩模投身行業，導致搵食艱難而另覓財路？她說：「唔係，係Timing問題，唔抗拒喺幕前做，而商演亦唔會影響返工。（近排有工作傾緊？）商演同電影傾緊，電影方面唔透露得住。」

其經理人陳宛蔚亦表示得知Barbie另有工作：「知佢返咗幾個月工，佢想抖吓同做吓其他嘢。（撈唔掂？）佢前幾日都有做動漫活動，依家做OL又兼做商演咁。」據知Barbie昨晚亦到內地演出，認真「事業心重」！