陳玉蓮和佘詩曼曾被傳中六合彩，陳玉蓮更被傳中過兩次，咁犀利？在《東網》節目《六時代：堪輿篇》，堪輿學家陳子才即席分析兩人面相，從陳玉蓮和阿佘面部特徵發現，原來發達真係有樣睇！

陳子才說：「發達相，最緊要睇吓自己有冇天運，額頭中間部分代表你嘅天運，如果呢個部位比較飽滿，開陽、廣闊、平滑，咁就Perfect！講到財運當然唔可以唔講個鼻，睇一個人有冇橫財或者偏財，就睇鼻翼，原來鼻翼比較尖削，鼻孔比較有少少外露，偏財運比較強一啲。另外如果有耳珠嘅朋友呢，偏財運都係比較強一啲！」