已婚藝人李璨琛（Sam）上月被拍得夜蒲攬女後，前晚首度現身公開場合，對於事件，Sam三度高呼：「我會檢點啲！」又強調現在家庭和諧，與太太感情未受影響。文：音樂組　攝：樊愛慈

李璨琛承認夜蒲時飲醉酒，更表示以後會檢點些。

腹大便便的湯盈盈（中）抱着愛女與周家蔚合照。

有份為音樂劇配音的蘇志威（左）及梁漢文分享合作趣事。

李霖恩向女兒解釋他犯了法，果然係個勇於認錯的爸爸！

李璨琛上月被《東網》獨家拍得他到中環夜蒲時攬女，事隔一個月，Sam前晚與蘇志威、湯盈盈、李霖恩及梁漢文等出席「冰上動感冰河世紀LIVE！香港站長毛象大冒險」音樂劇首映禮，明顯有備而來的Sam甫見記者即說：「問啦！要問嘅始終都要問！」其後又突然表示先講音樂劇。當記者追問他「攬女」事件時，他說：「出去玩係會有呢啲情況，音樂又大聲，傾偈好自然近啲，嗰晚都飲多咗酒。」

李霖恩認反面教材

承認當晚飲醉的他，被問到與女伴攬腰錫面時說：「我會檢點啲！」又指太太並沒怪他，現在家庭非常和諧。問到以後會否減少夜蒲，他兩度說：「我會檢點啲！」

而日前醉駕罪成的李霖恩偕家人到場睇騷，並表示由妹妹接送，問到身為前保安局長的爸爸李少光可有責罵他，他說：「佢冇，大家都在心中，呢排冇咩同佢溝通，佢都唔喺香港，父母都好唔開心，就係咁今日先帶媽咪嚟睇騷，佢哋都好擔心我，成日叫我唔好飲酒揸車。」又指已向兩名兒女解釋犯了法：「Daddy飲咗酒揸車犯咗法，今年車唔到佢，要媽咪車，係一個反面教材。」

盈盈懷胎七月過重

另外，懷胎七月的湯盈盈亦帶女兒現身，自爆醫生指她超重達30磅：「叫我唔好食咁多，其實都幾慘，叫個大肚婆唔好食咁多。」提到好友姚樂怡默認懷孕，她說：「好開心！三個姊妹一齊大肚，Margaret（鍾麗淇）都有咗第二胎，好想催文女（文頌嫻）生多個！」