陳豪、胡定欣、田蕊妮及楊秀惠等昨日於將軍澳宣傳新劇，劇中飾演姣爆凸圍「Lolita」的楊秀惠，獲不少網民歡迎讚演得放，她自爆被喚作「邪花」，更笑言不敢重看自己的表現：「好想打自己！」

楊秀惠於《鬼》劇的「姣爆邪花」角色，演得夠放，表情到位，贏得不少劇迷掌聲。

胡定欣（右）與阿田（中）再次表演「神同步」，陳豪笑言不敢挑戰。

楊秀惠於劇中頻頻放生電色誘陳豪。

阿田（前排左）率領眾演員跳「拉筋舞」。

文：影視組

田蕊妮（阿田）、胡定欣、楊秀惠及陳豪等昨日為無綫劇集《鬼同你OT》宣傳，劇中秀惠不時谷事業線又晒白滑長腿，而被阿田嘲笑為想食「唐僧」陳豪的姣爆「蜘蛛精」。其妖媚演出更是繼阿田及定欣的「神同步」演出後，成為網民熱議的焦點。

秀惠昨日透過電話坦言收到劇本時擔心無法勝任角色，更自爆被叫做「邪花」：「未試過咁嘅角色，（拍攝時尷尬？）擔心觀眾淨係覺得姣而唔搞笑！街上有人叫我『邪花』！（知道意思點解？）唔知。（係指水性楊花嘅女人。）咁冇辦法，角色需要。」雖然劇中有不少「色誘」陳豪的戲份，但她指拍攝時與陳豪沒有太多身體接觸，又笑指若重看會感害羞：「好想打自己！」

儲錢做杏兒姊妹團

昨日活動上，阿田及陳豪對該劇前日錄得最高收視29點感興奮，又與秀惠等大跳「拉筋舞」，而與阿田即場再表演「神同步」的定欣，則笑言很妒忌秀惠的美腿：「劇中打佢又打唔到。（收視過30點會晒腿慶祝？）留番畀楊秀惠！」問到好姊妹胡杏兒傳婚訊及將開設婚紗店，定欣說：「問過杏兒係咪去英國（結婚），咁我要儲錢買機票同度期。我哋Keep住講緊結婚（話題），希望佢快啲確認。（你做姊妹？）係呀，等收通知！」

陳豪早瞓增「生產力」

而陳豪被問到兒子有否欣賞其演出？他指囝囝早睡，自己亦一樣，在旁的阿田即笑指陳豪早睡早起，生活似農民，當記者笑指難怪陳豪能集中精力接連生B，阿田更搞笑地讚對方「生產力」強勁。