袁嘉敏靠把口 「裸」番個彩
早前在電影盡地一煲「脫」到盡的30歲前港姐袁嘉敏（Candy）昨日到會展出席動漫節活動，更在「球」賽上谷盡D Cup上圍惡鬥18歲「港版雞排妹」黃芷嫣（Vanessa）的E Cup巨乳，令一眾龍友心跳加速兼呼吸困難！可惜年齡大一截的Candy，身材亦被比下去，見勢頭不對只能出口術，突然宣告年底推出全裸寫真！
袁嘉敏(左)被身旁的黃芷嫣的巨乳比下去！
袁嘉敏、黃芷嫣、陶枳樽、「仙樂都」吳堯堯等性感上陣現身動漫節。
黃芷嫣吸引多名龍友舉機喪影！
陶枳樽及喬米谷胸登場。
喬米
黃芷嫣即場度胸，揮低台灣幫。
採：影視組
文：專案組
性感女星袁嘉敏（Candy）、「港版雞排妹」黃芷嫣（Vanessa）、「翻版張栢芝」陶枳樽（Crz）、「仙樂都」吳堯堯及「怪談女」黃凱欣（Ruby）昨日到會展出席動漫節Gameone開幕活動，組成「香港古龍隊」身穿性感古裝登場，與由台模小希、喬米、沛筠及小蘋果組成的「台灣金庸隊」上演連場「鬥波」，吸引數十名龍友喪影！身材有料的34D港隊「隊長」Candy大晒三吋事業線，可惜擁激盪32E上圍的Vanessa「峰」頭更勁，大露四吋深坑令E Cup導彈呼之欲出，令Candy瞬間被「技術性擊倒」！
Vanessa拒跟風露點
Vanessa輕輕一谷，不費吹灰之力撼贏前輩Candy，她受訪時表示服裝由自己揀選，堅稱冇心搶風頭，又大讚Candy「好大好性感」。對於作為港隊頭號猛將的她在台上玩「鬥大胸」遊戲時揮低台灣幫，她說：「輸贏唔緊要，最重要開心。」她又稱曾拍攝寫真及半裸照，問到會否倣效Candy全裸露點？她即拒絕：「暫時唔會考慮，可以唔着衫，但唔可以露點。」
化身「移花宮宮主」的30歲中女Candy企在18歲卜卜脆的Vanessa身旁，以中年波力戰青春波，畫面如同「母女檔」，Candy見形勢危危乎，即出口術反擊！
超激寫真18禁包膠套
問到會否效法50歲的羅霖出寫真？Candy自爆或於年底出「超激」寫真：「會全裸！要夾吓Sponsor，想去啲異國風情地方。（似電影露點咁激？）會呀！預咗18禁包膠套。（會唔會似上次拍情慾戲咁心情反覆？）上次係因為片段流出，自己都未睇過就公開咗，所以今次會喺後期製作參與多啲，自己睇相、揀相。（Keep Fit？）都有戲傾緊，要做多啲運動保持狀態。」她又直言不介意再拍三級片：「之前都有套係血腥，都係三級，大家都鍾意搵我演大膽角色，我又唔係特別想朝住呢個方向嘅。」
Candy表示滿意造型：「白色好華麗，好鍾意。（玩開Cosplay？）有幫動畫配音，有玩過，今次第二次，古裝第一次，萬聖節多數係血淋淋。（今日好性感？）個個都性感。（代表香港撼台妹有冇壓力？）我對隊友好有信心，個個身材好又聰明！（唔驚畀人搶鏡？）唔會，我做隊長，好光榮。」鬥後生先輸一仗的她被問到玩「鬥大胸」時點名Vanessa出戰而非自己，她死撐：「要畀機會其他女仔嘛！佢都好大，同我差唔多！」
