今年書展成為不少（口靚）模的寫真戰場，有「模界楊冪」之稱的前亞姐楊光原本亦有意加入戰團，可惜遇到困難而卻步，她說：「原本今年我都想出寫真，但今年影嘅相唔多，準備唔夠充分，所以諗住準備得豐富啲，然後明年喺書展出本寫真，紀念一下青春時代嘅自己。」

楊光希望於明年推出寫真，並不介意全裸拍攝。

對於寫真，楊光坦言有很多想法，會先與攝影師構思：「我都想加入鍾意嘅歌詞，或者鍾意嘅文字落本寫真度。（會唔會想去外國拍攝？）我都想呀！希望可以去米蘭影。」問到會否介意全裸？她笑說：「如果係唯美同有專業嘅團隊我都可以考慮，好似湯唯喺電影入面嘅演出，好有美感，絕不色情。」