模特兒兼演員劉嘉琪（Kanice）最近拍攝無綫劇飾演女警：「我個人比較硬朗，所以唔太難演！不過有時要跑得好快，又有啲爆破場面，就要小心啲！」她透露已非首次穿警服：「之前拍《飛虎》都係做Madam，最辛苦係腰間裝備好重，夏天又熱，返屋企發現腰間磨到損晒。」

自認情緒化的劉嘉琪，經常大笑大喊。

談到拍劇最深刻的經歷，她說：「之前拍《陪着你走》時，做麥包前妻，劇情講到我哋就離婚，我要喊。試戲時，我喊到癲，但到嚟真嘅時候，我發現眼淚已經用晒！之後監製教我試戲拎5、6成就得，真正拍先放盡。多謝佢畀機會我呢個新人！」Kanice又坦言情緒化，經常大笑大喊：「拍喊戲前我會不斷聽悲情歌，同埋諗啲唔開心嘅往事，好似親情或者愛情史。（愛情經歷慘？）有一、兩段慘，因為用情好深。」