組合Super Girls（SG）近日派台的新歌《黑色西裝》大獲好評，由於新歌舞蹈加入很多高難度舞步，五人為以最佳狀態示人，近月密密游水兼跑步練氣：「今次隻舞幾有難度，所以要更加努力，一有時間各自去跑步。」身為運動健將的Cheronna透露，獲品牌邀請出國參加10公里馬拉松比賽，令其他成員十分妒忌。

Super Girls密密游水練跑，希望以最佳狀態宣傳新歌。

而善心爆棚的SG為幫助內地小朋友，即將舉行二手衫義賣，隊長Aka說：「我哋有好多品牌送衫畀我哋，我哋想將呢個愛傳開去，依家各自捐啲衫出嚟義賣，善款會捐去慈善機構幫助山區小朋友。（啲衫有冇異味？）我哋會洗得好乾淨（口架）！」