何浩文兩年前與黃山怡（糖妹）甩拖後一直單身，視韓國「國民妹妹」IU（李知恩）為女神的他，坦言鍾情圈中甜姐兒，所以最近與前黑澀會美眉斯亞拍攝親熱鏡頭後，主動抄牌，隨時譜出一段異地戀。文：音樂組

「國民妹妹」IU是Dominic的理想對象。

Dominic的新歌教人要珍惜伴侶。

憑電影《鴨王》彈起的何浩文（Dominic）最近重拾歌手身份，推出情歌《愛不起．對不起》，他表示新歌教人要珍惜伴侶，切勿辜負身邊人：「後生試過掛住同朋友打波、打機，完全忽略當時嘅女朋友，加上身邊好多朋友都忽略咗另一半感受，彼此感覺等唔到落去。」問到當年與糖妹分手是否貪玩所致？他說：「唔係，而係有共識，對大家有了解後知道唔適合。」

讚Candy善解人意

近年忙於歌影發展的他坦言未遇到心儀對象，但仍屬意與圈中人發展：「首先唔好高過我，同埋溝通好緊要，我會揀番行內人，因為行外人唔明白做呢行嘅心態，會覺得我哋約出去傾嘢，就係等於去玩。最好係歌星啦！我覺得可愛啲，我鍾意IU嗰類型。」

Dominic日前赴台灣拍攝MV，請來斯亞（Candy）擔任女主角，更有浪漫的錫面鏡頭，問到Candy是否他「杯茶」？他說：「感覺幾善解人意，幾溫柔，佢性格OK喎！但一切隨緣啦！有交換到電話，我下次去台灣會叫佢帶我食好嘢。」MV由Dominic自導自演，並親自提早兩日到台灣準備拍攝工作，因此進度順利：「原本預拍八個鐘頭，最後五個鐘就完成。我壓力唔大，反而對Candy辛苦啲，因為有個鏡頭要佢慢動作定格，所以畀我折磨咗幾個鐘。」