泳兒早前再推出Hi-Fi碟《風．情歌》，十首翻唱的金曲中更包括一首英文歌《Hello》，她表示雖較少人用英文歌做主打，但她十分喜歡今次的作品：「今次編曲會比較澎湃，一開始監製都好懊惱，我都擔心Handle唔到，加上Hi-Fi碟首首都抒情，突然有首咁勁，好彩出到嚟大家都好鍾意。」她又透露另一首歌《無心傷害》會承接《擋不住的風情》，繼續大跳椅子舞，而這首歌在編曲上更會將原曲改頭換面：「呢首歌喺我讀書時已經好熟悉，但今次大家聽到首歌應該諗唔起原曲，因為喺編曲上加咗少少熱帶風情。」

泳兒將在《無心傷害》中繼續大跳椅子舞，粉絲又可大飽眼福了！