夏尉喻「太墜」想縮胸

「寸嘴Barbie」夏尉喻及「牛雜妹」李美琪昨日以女神造型出席PS4動漫節活動，其中夏尉喻谷盡豐滿上圍，裙側透出Nude Bra，十分性感！她說：「要遷就番呢個希臘女神造型。（露Nude Bra？）我已經整細咗，但又唔可以太細，唔係唔夠集中。（用Nude Bra谷胸？）當然，唔係冇咁嘅效果。」又透露近日受甲狀腺問題困擾，導致全身水腫，又指上圍豐滿令膊頭及尾龍骨負荷大，或考慮做縮胸手術。同場的前EO2成員彭懷安Eddie以戰神造型現身，右手骨折的他手術後鑲了鋼筋正康復中。至於被指與女友朱慧敏假分手？他說：「都冇講過分手，降呢之嘛，係知己。」又指現在二人打散關係，一切重新開始。