由陳豪、羅仲謙、呂慧儀、蔡思貝及陳瀅等演出的無綫新劇《潮流教主》前晚擺煞科宴，謙謙稱今餐由陳豪做「大股東」請客，他則預計出四位數字夾份，將有一星期假的他，被問到放假會跟女友楊怡做甚麼，謙謙說：「要做嘅都會做啦！（即係乜？）哈哈！畀啲幻想空間大家。」而請客的陳豪日前一家四口出巡為細仔攞出世紙，他說：「呢排太忙，係遲咗去，但想親力親為，見證呢個時刻，好Enjoy家庭樂，大仔喺度玩，細仔就呱呱叫，都多謝入境處幫忙。」呂慧儀則透露將滿一歲的兒子開始識講嘢：「BB終於識叫媽媽同唱媽媽歌！（老公有冇呷醋？）有！BB都有叫過Daddy，一次咁多囉！」

陳豪與呂慧儀不約而同講仔，為人父母係唔同啲。