周家怡（Catherine）與麥子樂（Bryant）昨日出席屯門市廣場舉辦的《反斗奇兵20周年玩具派對》，踏入36歲的Catherine，對於有卡通人物相伴慶生感到十分高興，還童心未泯地逐一合照留念，隨後更獲Bryant送上生日蛋糕！

周家怡收到驚喜生日蛋糕，即笑不攏嘴。

周家怡與麥子樂與卡通人物合照，童心盡現。

戀麥子樂似亂倫

Catherine又表示有多個生日願望：「希望個個開開心心，搵多啲錢。（點慶祝？）呢幾日不斷慶祝啦！因為日日慶祝，覺得返工好過放假！今晚會同阿佘（佘詩曼）同埋Bryant食生日飯。」

仍然單身的她希望盡快找到對的人：「快啲搵到個佢又好錫我，我又好錫佢嘅人，前排去咗玩塔羅牌，佢叫我畀心機做嘢先，未來半年都未有啱嘅人出現，不過我話唔信，人定勝天。（同Bryant發展？）十幾歲就識佢，好似屋企人，一齊似亂倫。」問到Bryant是否請Catherine擦生日大餐？他說：「應該由生日嘅人請食飯，係一件好事，可以帶好運畀人，所以我年年生日都請人食飯。」他又認為Catherine是外國人杯茶。