楊秀惠最近捲入陳瀅失手機事件，前晚她舉行生日派對，陳瀅亦有到賀，合照時更黐到實，力證姊妹情不變。

陳瀅和楊秀惠糖黐豆合照，證明依然係好姊妹！

樂瞳（左）和江欣燕到電台受訪時，自嘲身形似生完BB。

文：影視組

無綫藝員楊秀惠昨日31歲牛一要為劇集《潮流教主》開工，前晚她舉行派對慶祝生日，陳瀅、陳庭欣、樂瞳、許亦妮、湯洛雯及胡蓓蔚等好友紛紛到賀。

陳瀅最近拍劇時遺失手機，最後手機竟然在楊秀惠的行李篋內出現，兩人分別解釋純屬誤會，前晚陳瀅出席楊秀惠的生日會時，兩人還攬頭攬頸影相，以行動證明姊妹情依舊。

望有男友錫

壽星女楊秀惠戴上后冠扮公主，昨日她接受電話訪問時感激一眾好友：「好感動，大家影吓相、傾吓偈已經玩咗成晚，好開心。（同陳瀅感情有冇受事件影響？）我哋根本冇嘢，好Friend，佢仲買咗蛋糕同送咗我好鍾意嘅生日禮物畀我。」她又坦言生日願望是有男友愛錫，並透露有追求者。

樂瞳似師奶？

此外，樂瞳與江欣燕昨日到電台宣傳節目《夜宵磨》，樂瞳表示近年胖了近20磅，全靠用衫遮脂肪，連經理人也取笑她像生完BB的師奶。前晚她亦有參加楊秀惠生日派對，看見全枱蛋糕亦要忍口，只敢吃士多啤梨，她又透露有意開泳池生日派對：「係我2字頭最後一個生日Party，想搞比堅尼Party，但只准女仔參加。」