歌手譚嘉儀早前憑處境劇《愛．回家》中的「木偶妹」角色入屋，現實中她卻並非如「木偶妹」般正經，反而喜歡扮嘢：「由細到大都鍾意整古做怪，算係個表情天后，扮過戲院職員、船家，總之咩都扮一餐影相，仲試過喺歷史建築前扮古人！」自封「表情天后」的她，笑言不怕嚇走追求者：「影相係要開心，亦係表現性格嘅一種，如果個男仔鍾意我就唔會介意我扮咩樣影相，反而有啲男仔鍾意影呢類型嘅相，因為覺得搞笑又得意。」

譚嘉儀表情多多，篤臉、扮呆拍照只屬小兒科。

身形嬌小的譚嘉儀分享自拍心得：「自拍神棍梗唔少得，唔會麻煩到人，但係用嗰時要注意角度，見到支棍就冇咁好睇。近鏡最好用高炒，塊面會瘦啲，但影全身就要低炒，會顯得個人高啲！」