組合農夫昨日舉行新碟簽名會，逾三十名粉絲到場支持，二人透露新碟反應不錯，在音樂平台的銷量榜更曾膺「三料冠軍」，但自陳奕迅（Eason）的新碟推出後即被極速「KO」：「Eason一出嚟，我哋無條件地輸晒，佢隻碟仲要係『準備中』，我哋準備咗好耐都輸，有得同佢比較已經心服口服。」陸永笑言叫老婆幫手賣碟幫補家計：「如果我老婆用我嘅錢買碟支持我，咁樣好唔合理，應該叫佢幫手賣碟。」而C君則興奮地表示女友有買碟支持。