藝人溫家偉（Alan）位於旺角的雪糕店昨日開張，獲一眾好友撐場，其緋聞女友吳若希（Jinny）卻冇影兼冇送花籃，反而緋聞情敵周志文則與他人聯名送上花籃，Alan說：「可能啲花未到，Jinny有幫我試味，佢話下間舖會合資。（點睇佢被指曾喺夜場工作？）我唔放心上，人哋點講控制唔到！（會安慰佢？）我呢幾日好忙，電話都冇電！」Alan透露投資七位數開舖：「同屋企人合資，由細儲到大博一鋪，依家好窮呀！晚晚食飯盒。」

Alan形容開雪糕店一波三折，難怪昨日一度眼濕濕！

廣結人緣的Alan獲一眾圈中好友撐開張，氣氛高漲。