女星陳嘉桓（Rose）昨日出席觀塘「apm 10周年全城WOW起來」活動，穿淺粉色連身裙的她，在國際級插畫家加藤真治面前「班門弄斧」，受訪時更被記者取笑獻醜不如藏拙，她聞言即表示幼稚園時已學畫畫，又「死撐」活動上只有十分鐘時間：「頭先時間唔夠！（即係可以畫得好勁？）多啲時間都可以加多啲自己嘅元素落去，我都係畫油畫，見到大師啲畫作都多咗好多靈感！」

Rose自爆張床唔夠佢瞓，當然係指長度而非闊度啦！

即席晒畫工的Rose，不忘向國際級插畫家加藤真治「偷師」。

Rose自爆兒時常想像愛麗絲不停長高逼爆屋等童話故事情節：「個古仔可以應用喺我現實生活，我瞓張床隻腳都會凸出去！」Rose曲線力Sell自己腿長，相當搞笑！