「索版紙巾妹」邱美薇憑「紙巾爭仔」的廣告形象為人熟悉，曾與影帝張家輝及視帝陳豪拍廣告的她，首選大隻型男張家輝為理想對象。事業心重的她，又希望效法湯唯「剝出前途」！

33B的邱美薇於沙灘搔首弄姿，大擺誘人甫士。

邱美薇

對家輝一見鍾情的邱美薇讚家輝內外兼備。

拍紙巾廣告拍出名堂的邱美薇（Chelffy），「爭仔」形象深入民心！單身的她因拍廣告而有機會與型男合作，她透露曾與影帝張家輝及視帝陳豪拍廣告，並因而鍾情大隻型男：「同家輝拍廣告我硬晒軚，唔敢望佢，好驚電親，而且係我第一個廣告。同陳豪拍時就要互望互餵蛋糕，佢都有教我，大家都好專業！」問到會選擇大隻張家輝還是面紅陳豪做男朋友？Chelffy說：「兩位都係爸爸同錫老婆，家輝拍《激戰》咁大隻，梗係要揀個大隻保護到我，我可以小鳥依人！」

遺傳驕人身材

擁33B上圍的Chelffy表示遺傳媽咪的驕人身材：「媽咪有36，六年級嗰陣佢見我有少少變化，就怕我會似佢咁大，但因為我有跳舞做運動拉長番自己，我覺得身材比例平均，唔使咁大，着衫會唔靚！」問到性感尺度？她說：「接受到比堅尼。（湯唯《色，戒》嘅角色？）嘩，唔敢想像，如果好似佢前途咁好就無妨，睇吓點裸，同邊個演員、導演合作。」

唔恨做美女

剛柔並重的Chelffy既習泰拳，又懂芭蕾舞，她難忘早前於舞台劇飾演比實際年齡大20歲的妓女：「我唔介意做醜女、諧星，好多人鍾意做美女，但好多時做醜角演技難好多，我想挑戰自己！」她透露曾參考王菀之在電影《金雞sss》的動作演出，亦希望憑搞笑角色突圍！

Profile

姓名：邱美薇（Chelffy）

綽號：索版紙巾妹

年齡：28歲

三圍：33B、25、35

身高：1米65

入行：2007年奪歌唱大賽季軍入行，拍攝不少廣告並憑「Tempo紙巾2014」人氣急升，成為廣告新貴。

工作：電影《衝上雲霄》、《吉星高照2015》、電視劇《愛．回家》及《On Call 36小時》等。