潘芳芳昨日出席書展活動，對於「美心妹妹」楊鎧凝的寫真引起軒然大波，有看過部分照片的她說：「事件牽涉好多層面，小朋友自己唔會話影，睇家長同書商出呢本書嘅原意，係想帶啲咩訊息畀人。至於有色眼鏡呢樣嘢好難控制，有時睇廣告都會有小朋友着住尿片走嚟走去，成件事我唔知當中嘅過程好難去評論。」至於楊鎧凝母親指沒有參與揀相，她稱若她出書會跟到足：「如果係話冇都好奇怪，警方有佢哋嘅角度去介入處理，都唔方便評論。」

黃翠如前晚在社交網站上載與「美心妹妹」的合照。

潘芳芳

而陳琪昨日現身書展撐大女胡芷苓表演，對於楊鎧凝事件則說：「相信家長同攝影師、出版商都唔係想傷害小朋友，某程度上係踩咗界都冇留意到，以為係少女咁影，忘記咗少女同小朋友嘅分別，希望大家放佢哋一條生路啦！佢哋都需要空間，壓力好大。」

黃翠如與「美心妹妹」感情要好，兩人曾合作無綫劇集《愛的請留言》，前晚她在社交網站上載與「美心妹妹」的合照，心疼說：「只希望，成人的對話，不要走進她的耳朵中……」