新進藝人許芯悅（Katie）早前與好友開P慶祝生日，又大一歲的她希望新一年爭取更多工作機會，多拍電影挑戰演技：「人愈大經歷都多咗，想知自己演繹到幾多層次感，最想演悲劇人物或精神病人。」

許芯悅開生日P慶祝，更收到精美蛋糕。

當日壽星女被大批靚女模特兒好友包圍合照，收到不少禮物，包括利是、銀包、香水、化妝品及圍巾等，許芯悅說：「最鍾意收到蛋糕同銀包，本身鍾意食甜嘢，所以生日一定要切蛋糕 ！另外朋友知我個銀包爛爛哋，所以夾錢送新嘅畀我，仲係我最鍾意嘅藍色！」