選美出身的林泳淘早前到蘇梅拍攝節目，換上比堅尼大晒C Cup火辣身材，猶如拍攝寫真，她更首試為大象沖涼，大呼過癮，樂而忘返！

林泳淘換上不同泳裝晒身材，更舒服到閉目享受明媚陽光。

林泳淘大讚人工飼養的大象可愛。

企上車頂擺甫士，林泳淘認真大膽。

無綫藝員林泳淘（Wingto）早前到蘇梅拍攝旅遊節目《3日2夜》，玩盡海陸空，她笑言奉獻了很多人生第一次，包括浮潛、玩Water Jet、空中飛索，又幫大象沖涼及學煮炒河，令她相當難忘！

「泳裝騷」如拍寫真

不懂游泳的Wingto表示平日穿泳裝的機會不多，但難得享受陽光與海灘，她亦換上比堅尼大晒C Cup身材，又不停拍照，感覺猶如影寫真一樣。

提到狂玩水上活動，Wingto笑說：「之前都冇試過玩咁多！我好鍾意浮潛，水底個景好靚，好多魚圍住，唔知點解覺得非常感動！其實之前選港姐都嚟過泰國，重臨舊地感覺特別，但上次懵盛盛，今次就發掘咗好多新玩意，最大感覺係發覺呢度嘅人思想好簡單真誠，令遊客好舒服，希望下次帶家人一齊嚟度假。」

另外，Wingto首次幫大象洗澡，她之前已覺得飼養的大象相當溫馴，想不到接觸時更是超級可愛，她說：「佢哋好似小朋友咁，自己反出個肚畀我哋射水，又等我哋擦背，超得意！」

B;立影