「長髮妍希」李雯婷（Kianny）雖然落選今屆港姐，但對演藝有熱誠及衝勁的她未有放棄演員夢，並表示好人壞人的角色都想嘗試，更渴望有機會與偶像周星馳合作。

落選港姐的Kianny沒有放棄追尋演藝夢。

Kianny閒時會去海灘暢泳Keep Fit。

Kianny認定男友Ben是結婚對象。

今屆港姐競選已進入白熱化階段，但網民對一眾面試者的人肉起底都成為全城熱話，「捧紅」不少落選者，有「長髮妍希」之稱的Kianny亦被睇好！Kianny表示參選是為了挑戰自己，亦寄望有機會入行拍戲：「冇入圍唔緊要，我知係自己做得唔夠好，入場見到評判已經好緊張，連行路都僵硬。由細到大對演藝都好有興趣，希望入行發展，本身都鍾意挑戰自己，如果真係拍戲，演好人壞人都想試，究竟可以好成點？又可以壞成點呢？我都好想知！」

避開鹹濕乘客

Kianny更指在父親的薰陶下，周星馳成為她的偶像：「好想有一日同星爺合作！細個Daddy成日睇佢嘅電影，變相我都成日睇，一早潛移默化咗！不過，夜晚有時要飛，冇機會追重播緊嘅《他來自江湖》，但我都成日煲佢嘅戲。」首輪面試後，Kianny憑清純外表備受注目，坦言有娛樂公司聯絡的她說：「想以拍戲為主，如果畀到呢個Offer我會積極考慮！但自己亦好鍾意空姐呢份工，到時可能要作抉擇。」25歲的Kianny畢業後就任職空姐，她說：「聽過有同事遇到鹹濕乘客，哈哈！不過好快畀我哋捉住，通常新同事會遇到多啲，佢哋未識保護自己，真係要睇乘客啲眼神，離遠見佢哋猥猥瑣瑣就避開！」

30歲前結婚

談到感情生活，Kianny坦言與男友Ben拍拖七個多月，認定對方是結婚對象：「拍拖係我生命一部分，唔擔心會影響發展，而且男朋友都百分百支持我拍戲，大家相處好開心！細個時覺得依家呢個年紀就要生小朋友，依家覺得要30歲前結婚，亦好想生小朋友組織家庭，但一定唔會奉子成婚！」