杜德智「瓜老襯」都要騷肌

杜德偉哥哥杜德智日前出席敬老活動時為一班「老友記」示範健身操，擁有爆肌身材的他表示會操弗操到老死為止：「會Keep到我『瓜』嗰日，瞻仰遺容時可以摸吓我啲腹肌，希望大家覺得好勁！」此外，他將出書教人操肌及大晒肌肉寫真：「全本書都係肌肉照，驚有人唔想睇字，都有相睇吓嘛！」有指方力申托手月爭拒為其新書宣傳，杜德智解釋：「佢咁啱要拍嘢，其實佢都好幫手，暫時仲未約到佢，我已經搵咗其他藝人幫手，例如張繼聰。」他又指呂方近日為演唱會進行地獄式訓練，不時到維園操弗，相當勤力！