有人說，人生最無奈的是看着雙親一天天變老，卻又無能為力。三十出頭的「高富帥」周柏豪事業有成，卻開始因父母年紀老邁而感無助，故他寄望在事業上繼續衝刺，盡快儲夠首期買三千呎安樂窩孝敬雙親。

自認工作狂的柏豪指一放假便沒有安全感，會做很多東西填補空虛的感覺！

性急的柏豪除為事業拚搏外，其他事都很搏、很高速地去做。

在寸金尺土的香港地，一個尋常打工仔死慳死抵十年八載，都未必儲夠錢上車！惟「贏在起跑線」的周柏豪便是例外，他勝在外表帥氣兼投資眼光獨到，年紀小小已靠做模特兒賺得第一桶金買磚頭，19歲已榮升業主。

今年難圓置業夢

轉眼間，三十出頭的柏豪不止是業主，更是個全能藝人兼時裝品牌老闆，吸金力強勁！問到可會再想置業？他說：「有諗，但未必係今年嘅事，因為呢排樓價又升番，好似好貴咁！（想買幾多呎？）幾千呎梗係想啦！千幾呎、幾百呎都想，都有心水嘅，一步一步嚟，好多嘢想做先！」

「父母變老」感無助

儘管柏豪集「高富帥」於一身，卻慨嘆買不到時間，如今計劃搬大屋只是想給父母一個五星級的家：「咁又十年喇！有時睇住爹哋、媽咪老都幾無助，想爭取多啲時間，盡量畀啲好嘅嘢佢哋。我工作最大寄託係畀好啲嘅生活質素兩位老人家，想趁呢幾年有機會拚搏咗先。」除希望音樂事業上有突破，柏豪亦有意擴大時裝王國的版圖：「想生意再做大啲，未必開地舖但想接觸層面再廣闊啲，依家得上網，想生產多啲產品或服務。」

場地：紅磡都會海逸酒店