新婚的前港姐葉翠翠被《東網》ontv追蹤部隊拍得與老公周曉東（Raymond）在婚宴上大跳牛仔舞娛賓，兩口子有姿勢有實際，表演成為宴會上高潮之一！翠翠表示很多人讚好，亦是爸爸最喜歡的環節之一：「爸爸話Raymond跳到好似個機械人咁，搞到我都笑咗！我知其實佢好畀心機去練。」但她自爆有次練習時痛得厲害，有懷疑過是否骨裂，但因太忙無暇睇醫生！

翠翠與丈夫在婚宴上大跳牛仔舞，夠晒搏。

姊妹團成員李思雅也大讚舞蹈部分：「跳成點都冇所謂啦！Raymond又唔係藝人，記得到啲舞步經已好好。佢哋上台之前都仲喺後台Rehearsal（綵排），好似做緊台慶咁！」