無綫《2015香港小姐競選》早前到日本拍攝外景，期間安排12位佳麗向國際著名化妝師Michou.學化妝技巧，當中「城大學生」(9)郭嘉文（Karmen）及「眼科醫生」(12)朱嘉莉等改頭換面，即時電力大增！對於化妝後脫胎換骨，Karmen興奮地向《ontv東網電視》說：「導師教咗我哋日式化妝，消化完學咗嘅嘢後，覺得自己都有啲似日本女仔，好可愛。（今次行程辛苦？）係辛苦嘅！但學咗好多嘢，大開眼界。」

郭嘉文上妝後似乎信心大增，自讚好可愛。

麥明詩因休息不足而跌Watt。

反觀「高挑Charlie」(1)麥明詩跌晒Watt，她坦言休息不足：「咁大個女最辛苦係呢次！平均每日都係瞓5個鐘，以前讀書考試幾辛苦都會畀足8個鐘自己休息，咁先有充足精神應付。」