今集《娛樂onShow》主持俞詠文（Angela）邀來梁漢文（Edmond）擔任嘉賓，將在下月舉行演唱會的他會以「Half Time騷」為主題，至於大家甚為期待的騷肌，Edmond希望盡量配合。此外，他自爆太太有時好想生BB，但一切要以她身體康復為大前提。

梁漢文與Angela由演唱會傾到生B大計，暢所欲言！

梁漢文添丁的大前提是要老婆健康狀況良好，真係錫晒老婆！

想睇梁漢文同Angela嘅妙問妙答？上《娛樂onShow》就得啦！

東網電視《娛樂onShow》最快最新，每集都會邀請不同嘉賓，主持Angela今集邀得歌手梁漢文任嘉賓，分享他將在下月舉行的第四次演唱會。

想有番少少肉地

是次演唱會以「Half Time騷」為主題，Edmond說：「今次個名叫《梁漢文中場表演2015》，英文就係叫Half Time騷，其實靈感就係Super Bowl每年一個好大型嘅Half Time騷，每年呢個騷大家都注目，同埋大家都知我唱咗歌好多年，個騷好似一個分水嶺嘅中轉站，嚟緊希望可以開拓我嘅事業。」

每次都在演唱會展示肌肉的Edmond，身邊不少朋友都期待他今次以身材作演唱會主導，他說：「冇辦法，我天生Body靚！其實佢哋係咪想聽歌？話明係演唱會，梗係聽音樂啦！無論咩角度都好，佢哋嘅意見我都有記住，我盡量希望可以配合。」他現時努力減肥收身，但不想太瘦：「今次騷食番少啲嘢，但唔想瘦到太離譜，想有番少少肉地，因為我以前真係太瘦喇！」又希望繼續做好廣東歌。

等老婆康復生B

至於生BB，Edmond自爆與太太林文慧有時好想生：「我哋有啲飄忽，有時覺得好，有時覺得唔好，等我哋飄完先啦！（呢排恨唔恨？）我比佢堅定，冇乜所謂，但佢有時好想，一切大前提等佢康復先。（好得七七八八？）依家過咗三年左右，要多兩年先再諗。」