娛樂圈知己難求，能在圈中找到好朋友絕非易事，《東網巨星》「巨星最愛：朋友篇」中，三大女神陳瀅、劉佩玥及吳若希齊講心中最愛Best Friend，吳若希表示「最愛嘅人就係張敬軒！」真係估佢唔到。

吳若希

最強娛樂資訊App《東網巨星》「巨星最愛：朋友篇」中，三大女神陳瀅、劉佩玥和吳若希齊講圈中Best Friend！新紮女神陳瀅勁貪心，圈中Best Friend原來有三個：「我心目中最愛就係何雁詩、劉佩玥同陳凱琳，我要多謝佢哋喺我唔開心時會開解我，而我開心時會同我瘋狂咁去食嘢，認真唔話得！」

劉佩玥飛吻陳瀅

都說友情是相向的，既然陳瀅揀了劉佩玥做最好朋友，劉佩玥會點揀呢？結果好明顯，她說：「我最愛嘅人就係陳瀅BB，之前佢講巨星最愛，都話我係佢最愛，我哋咁好姊妹，梗係Sweet Sweet先，畀個飛吻你。」

至於另一位女神吳若希出名多異性好友，到底誰是她圈中最好的朋友，包大家估唔到，她說：「我最愛嘅人就係張敬軒！又靚仔、唱歌又好聽、又有才華、做戲又叻又好睇，舞台劇又收得，所以我會揀張敬軒。同埋因為我同佢都有一段幾好笑嘅關係，就係話說2014年TVB勁歌金曲頒獎典禮嘅後台，我就同軒仔、祖兒、鄭裕玲一齊喺後台影咗張相，但因為我個Pose令到大家覺得我係特登過去攝鏡，但軒仔好好人，不停幫我喺出面澄清，話Jinny係我叫佢過嚟嘅，所以我好多謝佢，喺呢啲時候走出嚟撐我、幫我解圍，雖然自己唔係好介意，但都好多謝佢有幫過我解釋。」