一齊合作無綫劇《愛‧回家》的高海寧，對於李霖恩醉駕判罰亦深表同情，因為做藝人不能揸車已經是最大的懲罰，但寄語對方安全最重要：「人身或道路安全都好重要，冇得揸車唔緊要啦，如有需要，做佢司機我都好樂意！（作為父親未能做子女榜樣？）佢知錯啦！教仔女佢冇問題！」

高海寧和胡諾言願做司機接載李霖恩出入，更力撐對方不會為子女樹立壞榜樣。

胡諾言

胡諾言與李霖恩分屬老友，得知對方醉駕停牌而感愕然：「乜咁大件事呀？！我會短訊問候佢！」胡仔知道對方不能揸車，故願做其司機：「早知佢離開法庭冇車揸就搵我啦！我去車佢嘛！（願做司機？）一齊開工嘅話絕對冇問題，少啲揸車安全啲！」胡仔希望對方可吸取教訓：「我知佢有研究品酒，今次出事咪當小教訓囉！大人有錯，知錯能改就得啦！而身教方面，佢同我一樣都係嚴父，佢教得個囡囡好好，呢樣我又唔擔心喎！」