歌手鄭俊弘前晚出席活動，如常獲大批歌迷撐場，自稱粉絲群年齡偏高的他，獲80多歲的婆婆級粉絲支持，成為「新一代師奶殺手」！

鄭俊弘到apm出席活動，獲大批Fans撐場！

連詩雅性感上陣，落力獻唱。

SG拍攝纖體廣告騷Quali！

鄭俊弘（Fred）、連詩雅（Shiga）、女子組合Super Girls（SG）、少女標本及許廷鏗等，前晚出席無綫節目《apm 10周年呈獻：放榜前的一個晚上》，笑言歌迷年紀大已畢業的Fred，透露獲80多歲的婆婆帶女支持，見對方在炎夏暴曬現身撐場，他直言感到很心痛。提到九月在九展舉行音樂會，習武的他笑稱個唱中會跳舞：「我OK！畀啲信心我。（係咪舞『癡』？）係打功夫個『武癡』，但跳舞『癡』唔晒！」

連詩雅地獄式訓練

Shiga今年出新專輯，九月參加半馬拉松：「每個禮拜抽一、兩日地獄式訓練。（有瘦？）冇！（馬甲線？）未有，可能方法有啲錯，要搵個專業教練教跑姿。」談到中學文憑試放榜，畢業於國際學校的她後悔未有讀好中文：「幾辛苦，好多時讀稿要靠同事讀好多次我聽。」並稱考試緊張就會頭腦一片空白。

SG性感拍纖體廣告

SG表示當年放榜前十分緊張，入行後會留言鼓勵粉絲：「佢哋之後都話考得幾好，仲會攞成績單畀我哋睇，見到佢哋有進步，我哋都好開心。」另外，SG昨日以性感造型拍纖體廣告，問到瘦身成功可會穿泳裝示人？她們笑說：「Fit同有身材係兩樣(口野)，我(口地)冇就會收埋。」