名模Amanda S.及藝人谷祖琳昨午出席日本殿堂級經典美容護膚品牌ALBION舉行的活動，更齊齊以Deep V上陣！曬出古銅膚色的Amanda透露近日愛上水上運動，令身材變得苗條結實。問到會否與男友一齊做運動？她笑說：「我唔係好想講佢住，因為我哋一齊咗唔係好耐，我想慢慢嚟，等穩定啲睇到將來先。（出國拍拖？）佢住喺香港，我哋有一齊出街，唔使走後門。覺得香港少咗狗仔隊，十年前狗仔隊無處不在，依家我可以做番自己。」又揚言現時仍與前夫保持朋友關係。

Amanda S.大騷玉背，十分養眼。

Amanda S.（左起）、穎通遠東有限公司香水化妝品部香港地區副總經理劉穎賢和谷祖琳合照。

谷祖琳則獲奶奶及女兒撐場，她透露將再開甜品店：「會喺銅鑼灣開Cafe賣甜品。（舖租貴？）係呀！我好緊張，今（昨）朝先去咗睇裝修。」生意搞得有聲有色的她，獲全港時尚專業女性獎項。已有兩女的她被問到會否再追仔？她說：「呢刻唔會，太多嘢搞，可能兩年後。」