沈卓盈昨日宣傳無綫節目《夜宵磨》，對於被指與富貴男友Ray分手，更打回原形搬回屋邨娘家，她昨日首次公開承認單身：「係性格不合。（分開幾耐？）都一段時間，每次拍拖都好重視一段關係，但相處落大家嘅價值觀唔同，要理智啲！」有指她曾與Ray吵架，問到是否Ray性格太火爆而分手？她表示拍拖嗌交一定有，證二人和平分手。

沈卓盈（右）餵樂瞳食親自炮製的飯糰。

主持之一的樂瞳表示會在節目中飲酒，對於最近頻頻晒比堅尼照，她說：「去沙灘同船河着比堅尼都好正常！」早前懶惰沒有做運動而變肥的她，透露上圍有進帳，目前努力減肥，望可稍露性感。

同場的張名雅早前叫朋友介紹男士給她認識，問到有沒有着落？她說：「梗係冇啦，朋友都知我唔急嘅，過咗想拍拖嗰段時間啦，有就拍，冇都冇得勉強！」