12位候選港姐昨日聯同歌手許廷鏗、胡鴻鈞和鄭俊弘，到觀塘為港姐主題曲《一夜成名》MV排舞。賽前大熱的「高挑Charlie」(1)麥明詩（Louisa）在日本集訓時經常大騷舞技，擘腿又拗腰，但昨日絕技欠奉跌晒Watt。相反宿敵「寸嘴Ada」(4)龐卓欣相對搶鏡，但她坦言跳舞並非強項，唱歌才是專長：「我跳舞冇Louisa咁勁！」

麥明詩

朱嘉莉（右）消瘦不少，龐卓欣（左）則謙稱跳舞唔夠麥明詩勁。

至於報名參賽時120磅的「眼科醫生」(12)朱嘉莉（Sunshine）清減不少，她坦言三周前跟營養師餐單減肥，現時瘦了7、8磅：「食菜、食雞胸肉或者魚，仲要飲好多水排毒。（頂得順？）頂得住！」

同場的胡鴻鈞大讚眾佳麗捱得：「個個都好似唔使瞓，前日先返到香港，好似長期處於一個夠瞓狀態，但我望到自己喺塊鏡度就好似面如死灰咁。」許廷鏗自嘲舞技與佳麗相形見絀：「我啱啱開始咋，畀啲面啦！」