藝人張繼聰當年會考13分，卻一直被網民誤傳只考獲5分，故他笑說：「順便喺度澄清埋啦，由此可見分數只係浮雲，唔重要！我記得中文有C，其他科都C、D咁囉，最後考入演藝學院。」對於新一屆文憑試昨日放榜，他勉勵考生別太看重成績：「每個人都有自己獨特嘅才能，分數唔代表人生嘅全部，考得唔好嘅可以喺其他方面繼續努力！」至於其妻謝安琪（Kay）昨日接受電話訪問時指當年會考21分，其後順利入讀港大主修美國研究。問到是否緊張學生？她說：「我唔係『死鋤爛鋤』嗰啲，平時好留心聽書同用功溫習，考試亦唔會畀自己太大壓力。」

張繼聰

會考13分的張繼聰雖不及老婆Kay21分犀利，卻成功發展演藝事業。

另外，藝人徐天佑中學未畢業已差了半隻腳入娛圈，以致冇時間溫書，很多科亦沒有應考，因而捧蛋！他接受電話訪問時以過來人身份勉勵考生：「每年到咗呢個時候都被翻舊帳，諗落都幾慘！嗰時好唔開心，但老土啲講成績唔代表一切，好似我入行後都把握機會進修！」