昨日是書展開鑼兼DSE放榜的日子，34C的「C Cup蔡少芬」、Donut成員Elise（陶嘉瑩）以半裸照大打寫真戰，又以重考生身份報考DSE兼取得34分佳績，成為「o靚模狀元」！Elise透露因曾出性感寫真而遭同學排擠：「有同學拎住我嘅寫真喺度話我係風頭躉，但我唔會理呢啲說話，做好本分就得！」

Elise大晒漂亮成績單，希望於大學修讀會計。

身材驕人的Elise DSE成績同樣驕人，力證「胸大有腦」！

陶嘉瑩（Elise）

書展昨日開鑼，適逢是DSE放榜的大日子！擁34C火辣身材的Donut成員Elise（陶嘉瑩）除為寫真半裸上陣外，又以重考生身份報考今屆DSE並取得34分，證明自己胸大有腦！Elise表示成績在預期之內：「我最唔滿意英文同數學，本身諗住兩科都有5*。」談到心水大學，她說：「最想讀中大或科大嘅會計。」成績優異的Elise透露家人會送禮物，她卻認為能成功入大學才是最大的禮物！

「風頭躉」遭排擠

又要影寫真又要參加公開試，Elise坦言犧牲不少：「停咗一年專案組模嘅工作，今年出嘅呢本寫真集都係考完DSE先影嘅！溫書嗰排每日八、九點起身，一直溫到夜晚十一、二點，發夢都諗住讀書啲嘢。」學業與事業很難兼顧，Elise表示若要二選一會首選學業，對於現時自己爭氣感到很開心：「之後都會繼續呢行（娛樂圈），雖然學業行先，但都希望兩邊兼顧！」問到出寫真集及影性感照會否被同學戴有色眼鏡看待，她說：「有！之前有同學拎住我出嘅寫真話我係風頭躉，但我唔會理呢啲說話，做好本分就得！」DSE成績驕人，未知Elise在寫真戰表現如何呢？

林欣彤放榜打氣

另外，歌手林欣彤前晚聯同胡鴻鈞及吳業坤出席放榜打氣活動，她透露當年有因成績未如理想而失望，但最後都讀到想讀的課程，前年則陪細佬等放榜及四出搵學校。

Profile

姓名：陶嘉瑩（Elise）

稱號：C Cup蔡少芬

年齡：21歲

身高：1米68

三圍：34C、23、32