兩子之父陳豪昨日與新劇拍檔田蕊妮任節目嘉賓，被爆開工時不停講湊仔經，還趁外景時為囝囝睇學校！對於新劇首播收視高開，比上一齣熱播劇《武則天》高一點，他表示滿意。

陳豪同阿田拍劇都掛住傾湊仔經，認真廿四孝！

陳茵媺近日帶大仔上暑期班，做足準備工夫！

阿田（右）、陳豪與「鬼魂」胡定欣在劇中發展一段人鬼三角戀。

陳豪和田蕊妮昨日在電視城為無綫節目《今日VIP》任嘉賓，對主演新劇《鬼同你OT》前日接棒《武則天》播出，錄得平均收視27點，比《武》劇開播日收視還要高一點，陳豪對此大表高興，笑指總算交到功課，但由於他正為新劇開工，故無暇觀賞直播，亦未知太太陳茵媺有否捧場。

身家畀晒家人

而阿田則指劇集出街後，到街市買餸時獲街坊讚賞角色夠爆笑，問到老公杜汶澤可有評價？她笑說：「佢試吓唔笑！佢就唔會好過！」陳豪即搞爛Gag說：「阿田第一次拍喜劇，我就第一次拍鬼劇，套劇咪『鬼咁好笑囉！』」談到即將完成新劇，會否放假充電一番？陳豪稱最想舉家旅行輕鬆一下，問到此舉會否令荷包乾涸？他說：「我個荷包係佢哋嘅，都唔係我（口架）！」

大仔返暑期班

一提起兩名囝囝，陳豪即變慈父，阿田踢爆陳豪於拍劇期間，除了不停與她大談湊仔經，就連外景經過學校，他亦不忘看多兩眼，順道為兒子搵定學校！問到是否如睇樓般，阿田抵死地說：「係呀，佢做晒功課添！」陳豪則笑不攏嘴地表示太太近日已帶一歲半的大仔上暑期班，好讓他早點適應校園生活。