王馨平與譚耀文前晚錄影無綫節目《今晚睇李》，王馨平指李思捷向她表示曾一同參加歌唱比賽，但思捷未能進身六強，故未有同台合唱：「我喺綵排時同佢講：『唔緊要啦！我哋綵排唱！』但我完全唔記得！」又擔心思捷在節目中臨時爆肚，問到會否擔心思捷向她索吻，她說：「錫面珠都OK，老公都唔會嬲嘅！」而譚耀文則以「一波三折」來形容上思捷節目，又指二人識於微時，大讚思捷「扮乜似乜」。提到即將投入新戲宣傳，他說：「聽講要Cosplay，我未諗扮咩，可能扮變形俠醫，我個仔鍾意。（要苦練爆肌？）依家練定啱啦！（依家胸肌都好勁？）因為我呢件係細碼衫啫，哈哈哈！」

王馨平畀李思捷錫面珠，思捷執到啦！

譚耀文要在新戲中Cosplay，唔知扮咩呢？