上山詩鈉的18歲愛女Hilary被喻為「最索星二代」，昨日她撇甩媽咪單獨出席護膚品牌Estée Lauder活動，同場還有吳千語及湛琪清等。以一身白色貼身短裙示人的Hilary大晒纖腰及長腿，吸睛度十足！她坦言不介意因「星二代」身份而令私生活公開，更自爆下月將到美國升讀大學，問到是否為了留在當地讀書的中東籍男友Rafic，她說：「同佢係同一間學校，但唔同學院，兩年前已經有留意呢間學校。（同居？）唔會，仲咁細個！（驚媽咪唔鍾意？）我想同朋友住，因為同男朋友住，嗌交分手就好麻煩，依家嘅Roommate係喺社交網站搵返嚟！（唔怕同陌生人住？）自己揀同學校揀冇分別！」而千語則透露與韓國男神李敏鎬首度合作的電影《賞金獵人》，將於下月開拍：「之前睇過佢演出，好多朋友都好鍾意佢。（有對手戲？）都有，因為戲中係合作關係。」

以白色貼身短裙現身的Hilary索到爆，果然係「最索星二代」！

身穿連身短裙的吳千語大騷白滑長腿。

湛琪清即場調製特色飲品。