昨日寫真前哨戰，有多個單位到場谷書，「舞界栢芝」陶枳樽（Crz）獲Hunter Z隊友蕊蕊及鄧詠雪撐場，問到是否對手太強？谷胸的Crz笑說：「都係呀！頭先見到雞排妹真人好靚。（有方法搶鏡？）做好自己！我仲有姊妹撐呢！」問到會否送寫真給曾傳緋聞的胡杏兒男友Philip？她說：「冇！我哋唔係好熟，近期冇聯絡。（同杏兒比邊個身材好啲？）杏兒夠高，我寧願用身材換佢嘅高度。」此外，轉出文字書的「仙樂都」吳堯堯「收線」Sell才氣，程芷渝亦獲好友甄詠珊撐場送皇冠，組合Super Sexy Hero則人多勢眾。

蕊蕊（右）與鄧詠雪（左）齊齊撐場為Crz打氣。

Elise裸背、Victoria以手遮胸，是冬甩寫真集的亮點。

Elise

金金表示寫真集可吸納宅男粉絲。

此外，o靚模組合冬甩五女亦出寫真Sell年輕，金金受訪時說：「本寫真叫Home Story，中文名係『回家．愛』，吸引宅男幻想，好似帶晒幾個女仔返屋企咁！」與Victoria齊齊半裸上陣的Elise則說：「有半裸上陣，意識大膽！我哋平均都係20、21歲，兩個夾埋都係40。本書已經包晒其他『對手』啲扮Cute、大胸所有嘢，仲另加長腿。」