「大隻仔」溫家偉（Alan）的新店將於本周六開張，他透露投資近7位數的雪糕三文治店名為「Stacks Ice Cream（層層疊）」。日前本報獨家拍到Alan到旺角舖位視察，更巧遇外出為囝囝買玩具的吳家樂，二人即趁機寒暄一番。

溫家偉（左）到旺角的舖位視察，一手一腳打點新店。

Alan表示專門為緋聞女友吳若希（Jinny）炮製「玫瑰味」雪糕，又感謝對方給予意見令Recipe大功告成：「第一次整畀佢試，佢覺得奶味太重，我就改良咗令奶味淡番少少，令更多人啱食！」問到會否叫對方合資，「情侶檔」拍住上愈做愈大？Alan笑說：「叫佢入股真係可以考慮，情侶檔就唔會啦，哈哈！亦可以簽佢做代言人，代言價就請佢食一世免費雪糕囉！」